अमारो दृष्टिकोण, लक, जीवनमूल्य

आपड़ो हपनो:-

के आमे वागड़ी नेय रुप मय जाणी ज ह नेय आमे समुदाय नेय अमारी संस्कृति नेय एक हाते राकवा मय अमारी वागड़ी निय विशिष्टता नो महत्व आल ह।
के आमे वागड़ समुदाय ना मानवी अमारी वागड़ी नु जटळु वदार थकी वदार सम्भव थाए गर्व नेय हाते प्रयोग करे हे।
के अमारे खास उळकण नेय संप्रेसण माध्यम नेय रुप मय आमे वागड़ी निय अस्मिता बदले ईमानदारी थकी काम कर ह।
के आमे जवणा थकी आने मलिया, एने वदार होजे बणावा बदले उत्साह नेय हाते अमारी ओलादो मय अमारी वागड़ी निय समृद्ध परम्परा नेय विरासत नेय मोरे बढ़ावे हे।

आणी वेबसाइट नो उदेश्य है–

जवणा बी नेय जे कि बी सम्भव थाए वागड़ी वदार प्रयोग करवी।
वागड़ी नेय विकास करवा नेय पर्याप्त मात्रा मय स्वतंत्र रुप थकी साहित्य उपलब्द करावु।
वागड़ी नेय प्रयोग बदले आने समुदाय नेय समुदाय थकी बारते स्वीकारोक्तित विकास करवु।
गीत,कविता सहित वागड़ी मय वदार थकी वदारसाहित्य सृजित करवा बदले अमारे समुदाय नेय प्रोत्साहित करवु नेय हामळवु – देकवु संसादनो थकी रिकार्डिग करवु।
लाईट नेय माध्यम ( कम्प्यूटर, मोबाइल, फोन आवा) मा वागड़ी नेय प्रयोग नेय प्रोत्साहन करवो।

आ वेबसाइट निम्नाकित जीवनमूल्यो निय प्राप्ति नेय उसा स्तर निय अपेक्षा करावे हे–

सामुदायिक एकता: आणी वेबसाइट नेय काम मय लेवा वाळा बदले सामुदायिक एकता निय प्राप्ति पेलु जीवनमूल्य हे। पुर्वाग्रह थकी ग्रसित समुदाय नेय वाटवा वाळा आलेक नेय विसार संप्रेसण बदले आणी वेबसाइट माते स्वीकार निय करीयु जाएगा। राजनीति नेय धार्मिक पूर्वाग्रह ना आलेक पुरा तरीका थकी टाळिया जएगा।
हर काम मय लेवा वाळा बदले आ वेबसाइट न्यायिक सीमा मय उचित, समान नेय संतुलित राकवा निय अपेक्षा करे हे।
आणी वेबसाइट माते अपलोड करी गीई सामग्री नु आदार सत्य हे, जिनी विसयवस्तु मय तथ्य परक नेय वास्विक सामग्री व्यक्त करवा निय अपेक्षा करी जाय हे।