1. अरगम जंऊ परगम जंऊ,
लिम्बुडी लटकावती जंऊ।
जबाव:- तारु (ताला)
2. गोळ है पण डूट निय पूँसडु है पण सपु निय,
पूँसडु हाई नेय रमे सुर फिरी बी मारे आंसू निय नकळे।
जबाव :– पुपटो
3. तीन अक्सर नु मारु नाम,
उलटु हीदु इक हारकु।
जबाव :– जहाज
4. लाल डाबा मय है पीळ खान,
खान मय मोती ना दाणा?
जबाव :– अनार
5. धनदौलत थकी मुटी है आ,
सब सीजो थकी ऊपर है आ,
जे पाए बामुण बणिजाए,
निय पाए मुरक रई जाए।
जबाव :– विद्या
6. फुल बी हूँ,
फळ बी हूँ नेय
हूँ मिठाई
ते बताडो हूँ हे मारु नाम।
जबाव :– गुलाबजामुन
7. लाल हूँ मु, खावु हूँ हूकी सार,
पाणी पी नेय मरी जंऊ,
बळी जाए जे आवे मारे पाय।
जबाव :– आग
8. सपेद शरीर लीलु पूँसडु,
नि हमजो ते आई थकी पुसो।
जबाव :– मुलो
9. कान घुमाडो बन्द थई जंऊ,कान घुमाडो खुली जंऊ हूँ,
राकु हुँ मु घेर नो ख्याल,आवु हुँ मु सब नेय काम,
कोई बताड़ो मारु नाम।
जबाव :– तारु (ताला)
10. पोग निय है पण हिडती रेती,
बे आत थकी आपडे मुडू पुसती रेती।
जबाव : – घड़ीयाल
11. तमे निय हादो मु गणी आवी जंऊगा,
वगर भाड़े वगर किराऐ आवुगा,
घेर ना हर खुणा मई रऊगां,
तमे कुणे हाई निय सको
मारे वगर तमे नि रई सको,
बताड़ो मु कुण हूँ?
जबाव :– वायरो
12. वणा पाणी थकी घेर बणावे,
वो कारीगर केवो?
जबाव :– करोळीयो
13. वणा खादे पिदे सब नेय घेरे रऊ हूँ,
निय दात हूँ निय रोवु हूँ घेर निय रकवाळी करु हूँ।
जबाव :– तारु (ताला)
14. काळो धोड़ो सपेद निय सवारी,
इक उत्तरे ते बीजा निय वारी।
जबाव :– तवो नेय रुटो
15. बे मस्त सुरा बे इक रंग ना,
इक खुवाई जाये ते बीजो काम निय आवे।
जबाव :– चम्पल (जूते)
16. चौकी माते बैठी इक रानी,
माता माते आग शरीर मय पाणी॥
जबाव :– मोमबत्ती
17. अगर तर लागे तो पी सको हो भूक लागे तो खाई सको हो,
नेय टाड़ लागे तो ऐने लगाड़ी बी सको बयाड़ो वो है हूँ।
जबाव :– नारळ
18. ऐवी हुँ सीज है जे जागतु रेवा माते ऊपर रे है,
हुई जावा माते पड़ी जाय है।
जबाव :– पलके
19. हू है जे हमेसा बढ़ती रे है,
नेय कारीये कम निय थाए।
जबाव :– ऊबर
20. नकुरा माते सड़ी नेय कान हाई,
नेय मानवीय नेय भणावे।
जबाव :– चश्मा
